Kantidat di víktimanan dje barku ku a senk den laman di Nigeria. Ayera tardi nan a referí na ria 50 morto.
GUSAU, Nigeria (AFP).- Por lo ménos 50 persona a muri djaweps den laman di Nigeria na momento ku e barku riba kua nan tabata, a senk serka di e siudat di Sokoto.
“E situashon ta hopi grave”, segun Ibrahim Musa, eks diputado dje pueblo di Gorau, den e distrito di Goronyo. “Nos a dera 46 kurpa kaba i awor aki nan a kaba di saka sinku mas”, segun el a bisa.
Ilyasu Admu, un agrikultor lokal, a duna di konosé ku ta opvio ku e barku tabatin di mas pasahero i a agregá ku e barku a senk djis un ratu despues di a start e trayekto.
“E pasaheronan tabata bai e otro banda de riu. Mayoria tabata hende muhé i mucha. Algun dje muchanan muhé tabata bai pa kasa”, segun el a bisa na AFP.
Dahir Kure, bosero dje Agensia Nashonal di Kasonan di Emergensia dje estado, a deklará ku ta hopi trabou tin ku tuma lugá na e sitio dje aksidente. E no por a duna un balansa dje kantidat di víktima, pero a sigurá ku esaki ta haltu.
