MILAN, AP.- E gobièrnu spañó a anunsiá djamars ku lo manda un barku di Guera pa eskolta e boto di un grupo humanitario spañó, stashoná ya pa mas di dos siman kaba ku diferente inmigrante na bordo i den kondishon miserabel.
E ofisina di promé minister Pedro Sanchez a bisa den un komunikado ku e barku di guera Audaz a prepará pa sali i lo yega Lampedusa djabièrnè. E destinashon final ta e haf di e isla prinsipal di isla Mallorca.
E minister di Interior italiano, Matteo Salvini ta ninga di duna Open Arms pèrmit pa laga e migrantenan baha, apesar ku seis pais europeo a aseptá pa akohé a inmigrantenan. Nan a wòrdu reskatá na komienso di ougùstùs dilanti di kosta libio.
Un migrante a bula den laman, den un intento desesperá pa yega kosta i a ninga di regresá e boto di Open Arms. El a wòrdu reskatá pa Warda Kosta italiano i trasladá pa e isla italiano di Lampedusa. Esaki tabata provokashon di un di dos grupo ku tambe a bula na awa, despues di pasa 19 dia riba e boto.
