MERKA, AP. – Ku e tiroteo mortal na Aurora, Colorado. Den un sala di sine kompletamente yen ku a estrená “The Dark Knight Rises”, hopi persona interogá ta puntra si tin konekshon entre e atake i trama di e pelíkula òf e personahe di Batman.
Den “The Dark Knight Rises”, un hòmber mal hende na maskarada ta dirigí un grupo di 
asesino den un stadion di futbòl yena ku hende na Merka i ta trama un atake ku arma i eksplosivo. Ta un di e esenanan mas dramátiko di un di e pelíkulanan mas antisipá durante henter aña.
No ta kla si e mot i vashonnan di e atakante ta spesífikamente relashoná ku “The Dark Knight Rises”. E bashamentu di bala a tuma lugá 12:30, poko despues ku e funshon di mei anochi a kuminsá.
E atakenan violento kontra públiko na man di hende mal hende ta komponentenan klave den mayoria di e pelíkulanan di superheroe inkluyendo “The Avengers” i ‘The Amazing Spider-Man”, tur dos na sinenan aktualmente. Pa e stándartnan di Hollywood, e pelíkulanan di Batman ta mas sombrio i mas sangriento.
Pero ta eksistí algun paralelo ku e tiroteo na Coloradoiepelíkula:
Loke a pone Bruce Wayne pa bira Batman tabata dor ku el a testiguá e asesinato di su mayornan na man di un kriminal na momentu ku nan tabata Sali di un sala di sine.
E wega di video Batman “Arkham City” ta tuma lugá den un tiroteo bandoná.
Den e di tres edishon di Batman: The Dark Knight di DC Comics, un personahe den Batman ta mata un públiko di un programa di televishon anochi ku gas.
