BUENOS AIRES, AP.- E beibi prematuro ku a keda konsidera komo morto i despues hañá ku bida den mortuario di un hospital di provinsia di Chaco, ta basta grave i su situashon por sigui bira mas kompliká.
Asina e hospital a informá djaweps. E beibi ku a nase 3 di aprel a pasa 12 ora den un kaha di vris den e mortuario di e hospital ei. Su sertifikado tabata bisa ku e beibi a muri pa motibunan deskonosí. E kaso a kuminsá djamars, na momentu ku Analia Bouter, mama di e resien nasí a relatá públikamente ku 12 ora despues ku el a duna lus el a insistí pa wak e kurpa di su yu den e mortuario i a nota ku e yu tabata move.
Segun titular, e kriatura ta haña “vent i lashon mekániko ku parameternan stabil”, i “no tin mester di droga òf remedi”.
