BRUSELAS, BELGIKA, AFP.- Bèlgika a prohibí “biahenan no esensial” pa e regionnan Spañó Navarra i Aragon, e provinsianan Barcelona, Lerida i Catalonia, e region di lago Leman na Suisa i departamento franses Mayenne pa redusí propagashon di e Corona vírus.
E ministerio belga di Eksterior a inkluí e regionnan búlgaro di Severoiztochen i Yugozapaden, vários zona di Rumania i tambe e siudat Leicester di Reino Uni.
Tur esnan ku yega di un di e zonanan aki mester hasi un tèst di Corona vírus i kumpli ku karentena.
Bèlgika a introdusí mas restrikshon siman pasá pa limitá kontakto entre e belganan, konsentrashon di hende i pa amplia e uso obligatorio di masker. E kasonan di covid-19 a oumentá últimamente i e gobièrnu a introdusí un toke de keda entre 11:30 di anochi pa 6:00 di mainta.
Te ku djasabra funshonarionan a anunsiá ku lo tin 68.751 kaso registrá dede ku e pandemia a kuminsá, inkluyendo 9.841 morto.