BRUSELAS, BELGIKA, AFP.- E promé minister belga, Sophie Wilmes a anunsiá ku lo reforsá a medidanan pa lucha kontra e pandemia di Corona vírus segun e kasonan di infekshon ta oumentando den e pais.
Tur reunion públiko lo wòrdu limitá na 100 persona paden i 200 den aire públiko.
Bèlgika a duna òrdu pa usa masker obligatorio siman pasá. Esaki a konta spesialmente pa sitionan drùk manera riba merkado i áreanan komersial ku hopi trafikashon di hende.
Mas o ménos 279 persona ta wòrdu infektá ku COVID-19 pa dia, kompará ku 163 un siman pasá.
Te ku djaluna, e pais a registrá 66.026 kaso desde komienso di e pandemia i 9.821 morto.