BRUSELAS, BEGIKA, AP.- Bèlgika a entregá dos hòmber ku supuestamente a yuda e sospechoso prinsipal den atakenan na Paris dia 13 di novèmber. Asina outoridatnan belga a informá.
Fiskal a identifiká nan komo Mohammed A. i Ali O.
Prokurador di Paris a identifiká nan komo Mohammed Amri i Ali Oulkadi.
Amri ta akusá di biaha pa Paris pa buska e sospechoso prinsipal, Salah Abdesla, despues di e atakenan ku a laga 130 mor to. Oulkadi , siudadano franses di 31 aña, a hiba Abdeslam pa Bruselas e siguiente dia di e atakenan i a lag’é na un kas kaminda ta fábrika fahanan eksplosivo.
Un funshonario di e prokurador parisina a bisa ku e dos personanan a keda interogá pa un hues investigador enkargá di formulá e kargonan preliminar.
No tin informashon riba kiko e kargonan aki ta. E funshonario a papia ku kondishon pa keda anónimo debí ku e no ta outorisá pa informá prensa tokante esaki.
Bèlgika a ekstraditá un kómplise di Amri, Hamza Attou, pa Fransia siman pasá. El a keda enkarselá bou di e kargo preliminar di “yuda” un delinkuente terorista vinkulá ku un akto terorista.
Ta akusá Attou di tabata ku Amri na momentu ku el a biaha pa Paris den e outo i a trese Adeslam bèk pa Bruselas. Attou i Amri a keda detené algu despues i akusá na Bèlgika pa ” partisipashon den aktividatnan terorista.
