WILLEMSTAD.-Un ratu pasá, bendedónan di artesania na Otrobanda a marcha bai Fòrti pa entrega un karta na Konseho di Minister. E grupo di un forma trankil a bai Fòrti bou di guia di sindikalista Sint Jacobs ku e dianan aki ta papiando i ta sali na interes di e siudadano grupo aki. Na nan yegada na Fòrti niun minister no a risibi e grupo pero si sra. Jenny Albertina.

Albertina a indiká ku e karta lo mester bai pa minister di Desaroyo Ekonómiko (MEO) pero konsiderando ku e no tei na Fòrti e momentunan ei e ta risibi e karta i ta sòru pa e minister konserní risibí e karta.

Manera EXTRA a informa den último dianan e grupo di siudadano aki ta basta indigná despues ku un tim di MEO a informa nan ku nan mester move for di e área unda nan ta para pa bende nan merkansia aktualmente. Esaki debí ku e área tin heru bieu i e lugá ta den mal estado. E grupo tin komprenshon ku e lugá su estado físiko ta hopi malu, pero nan ta mustra ku nan no por aseptá pa awor den temporada haltu i despues di lockdown pa Covid ku awor ke stroba nan pa bende. Mas detaye den edishon di EXTRA.

LAGA UN KOMENTARIO

Please enter your comment!
Please enter your name here