PHOENIX, ARIZONA, MERKA, AP.- E hòmber ta un hispániko di entre 20 i 30 aña ku ta vigilá kayanan skur di sierto besindario di Phoenix, spesialmente esnan latino, mesklando entre e hendenan miéntras e ta skohe su ophetivo.
E supuesto ” Serial Street Shooter”, a mata shete persona i heridá dos mas den nuebe atake desde mart ku a sembra miedu den Phoenix i a provoká ku polis a pidi yudansa na sosiedat den un besindario kaminda mayoria habitante ta inmigrante i ku tin miedu pa papia debí na temor pa wòrdu deportá.
E asesino ta ataká solamente ora solo baha i promé ku mainta habri. Tur su asesinatonan a tuma lugá den e sekshon di Maryvale di e siudat.
Entre e víktimanan tin un mucha muhé di 12 aña ku a muri despues ku el a keda tirá huntu ku su mama i un amigu di e muhé. Den su atake mas resien, dia 11 di yüli, un hòmber i un mucha hòmber di 4 aña a resultá ileso despues ku el a tira kontra e vehíkulo ku nan tabata sintá aden.
