Drs. Angelo Martes, direktor di Rekurso Humano a duna nos e detayenan
WILLEMSTAD.- Rekonosementu di kada empleado ku Wind Creek ta yama miembro di tim, ta un di e prinsipionan fundamental pa Wind Creek Hospitality. Drs. Angelo Martes, direktor di Rekurso Humano den entrevista ku EXTRA a bisa ku e sentido di pertenesé i ta importante ta konta pa tur miembro di tim i ta parti di e filosofia di e empresa. Ta monitoriá esaki diariamente riba de nivel máksimo di e empresa, ku un asina yamá ‘open door policy’.
Resientemente dia 28 di ougùstùs Wind Creek Curaçao, a honra su nominadonan den tòp 3 di kada kategoria i ganadornan di e dos ‘Best of the Best (Q2)’ pa 2025 den Ballroom di Renaissance Wind Creek Curaçao Resort. Tabata un momento sumamente ameno kaminda e ekipo ehekutivo tabata presente pa e selebrashon tan espesial. Esaki Angelo Martes a bisa ta duna realse na e importansia di e selebrashon akí.
E Gerente General di Wind Creek Curaçao, sra. Averilette Francis, tabata sumamente satisfecho i agradesido pa ku e prestashon di e ekipo di Wind Creek Curaçao i tur e nominadonan. E progreso grandi di e empresa ta danki na esfuerso konhunto di e tim.
E lema sentral den e presentashon di Angelo Martes, direktor di Rekurso Humano, na momentu ku el a presentá nominadonan tòp 3 den kada kategoria i alabes e ganadónan, tabata akshon, pues no bisa kiko tin ku pasa pero ‘do’, hasié.
“Huntu komo ekipo nos ta sigui hasi e diferensia den e mundu di hospitalidat demostrando ku nos hendenan por duna servisio riba e nivel máksimo ku e liderazgo, guia i sosten adekuá”, drs Martes a sigui bisa.
Manera ta kustumber e kompetensia entre e nominadonan tabata hopi fuerte. Entre e premionan pa kada ganador tabata entre otro $ 1,000.= nèto.
E ganadornan di e kuartal akí ta:
‘Guest Focus’: Edwin Martina – F&B;
‘Do It Right, Be the Best, Have Fun’: Silvienka Leito – HR;
‘Enthusiastic Commitment to the purpose’: Rustika Doran – ‘Accounting’;
‘Inspired and Empowered team members’: Angelique Knight – ‘Guest Experience’ i ‘Leadership’: Kurt Mendes – ‘’Guest Experience
Tur nominado den e tòp 3 di kada kategoria a risibí un rekonosementu spesial di e tim ehekutivo.
