FRANKFURT (AFP).- Binti tarántula debidamente paketá a keda hañá den un trein regional na e stashon di Tubingen, den zùitwèst di Alemania, despues ku e propietario a lubidá e pakete. E suseso a tuma lugá djaweps último, ora ku e konduktor di un trein ku a kubri e trayekto entre e stashonnan di Herrenberg i Tubingen a alertá outoridatnan despues di a deskubrí den e trein un pakete ku e inskripshon “araña i skòrpion”.
Na su yegada na e stashon di Tubingen, polis a habri e tas i a deskubrí ´binti tarántula, segun e komunikado. A tuma e animalnan miéntras ku a identifiká e doño, un señora di 31 aña kende rápidamente a keda lokalisá. Esaki por a rekuperá su pakete straño e mesun dia.
Segun polis di Stuttgart, kontaktá pa AFP, e insidente no a stroba e tráfiko di trein i e biahero no ta enfrentá ningun akshon hudisial.
