WASHINGTON, MERKA, AFP.- Presidente merikano Joe Biden a respaldá solisitutnan di Finlandia i Suesia pa drenta NATO. E lidernan di ámbos pais a primintí ku lo atendé ku Turkia su duda pa ku e kandidatura aki.
Biden e risibí e promé minister sueko, Magdalena Andersson i presidente finlandes Sauli Niinisto, i a anunsiá ku e lo presentá nan solisitutnan na Kongreso merikano.
Biden a bisa ku e paisnan ta reforsá NATO. “Suesia i Finlandia tin institushonnan demokrátiko fuerte, ehérsitonan fuerte i ekonomianan fuerte i transparente, i un sentido moral fuerte. Nan ta kumpli ku tur rekisito”, asina el a bisa na periodistanan presente na Kas Blanku.
Presidente turko, Recep Tayyip Erdogan a akusá e nashonnan di respaldá terorismo.
