WASHINGTON, AFP.- Joe Biden i Xi Jinping a bai di akuerdo pa kuminsá konsiderá diskushonnan stratégiko di kontròl di arma entre e dos potensialnan nuklear, asina un funshonario haltu di Kas Blanku a bisa, un dia despues di un kumbre virtual entre e dos presidentenan di Merka i China.
Segun e asesor di seguridat nashonal merikano, Jake Sullivan, “presidente Biden a trese e proposishon na presidente Xi riba e nesesidat di mantené un seri di kombersashon riba stabilidat stratégiko”, e diplomátiko a terminá pa asina referí na e asuntunan relashoná ku arma.
“E dos lidernan a bai di akuerdo pa traha pa konsiderá e posibilidat di mantené kòmbersashonnan riba stabilidat stratégiko”, el a kontinuá, den un konferensia organisá pa Think Tank Brookings Institution. E asesor serka di Biden a keda konsultá riba e oumento di armanan chines.
Pentágono a konfirmá resientemente ku Pekin a realisá un prueba di míles hipersóniko na ougùstùs i a publiká un informá den kual e ta indiká ku e programa nuklear chines ta aselerando mas di loke a spera.
