WASHINGTON, MERKA, AFP.- Presidente di Merka, Joe Biden, a anunsiá medidanan stringente di vakunashon, ku lo afektá miónes di trahadó.
E plan di seis punto, ku ta dirigí na empresanan ku mas di 100 empleado, ta establesé medidanan mas estrikto ku Merka a anunsiá pa kombatí e variante Delta.
“Personanan no vakuná ta yenando nos hospitalnan i saturando salanan di emergensia i unidatnan di kuido intensivo. No tin espasio pa esnan ku haña un atake di kurason, pakreatitis òf un kanser”, asina el a añadí.
Gran parti di e plan ta pa eksihí empresanan privá ku mas di 100 persona pa sigurá ku tur trahadó ta vakuná i hasi tèst semanal di covid-19. E medida lo afektá 80 mion persona.
E plan ta obligá vakunashon di tur empleado i kontratistanan públiko.
Aktualmente, trahadónan públiko mester vakuná òf hasi tèst semanal di COVID, pero e medidanan nobo ta obligá vakunashon praktikamente kompleto.
