WASHNGTON, MERKA, AFP.- Skol ta bai kuminsá bèk i presidente Joe Biden a atvertí djárason ku e lo tuma medidanan kontra gobernadornan kontra uso di tapaboka.
Gobernadornan republikano di Florida i Texas ta kontra rekomendashonnan di outoridatnan di salubridat, pa studiantenan usa tapaboka ora skol kuminsá bèk.
“Desafortunadamente, algu polítiko ta kombirtiendo medidanan di salubridat públiko den disputanan polítiko pa nan propio benefisio”, asina Biden a bisa. Komo konsekuensia Biden a instruí Sekretaria di Edukashon, Miguel Cardona pa tuma “akshon legal, si esaki ta apropiá, kontra tur gobernador ku purba blòkia òf purba intimidá ofisialnan di skolnan lokal”.
“Si bo no tin intenshon di lucha kontra COVID-19, hala for di kaminda di tur sobrá ku si ta purbando”.
Merka a reportá brotenan den gran parti di e pais, dor di e variante Delta. Vários ta oponé uso di tapaboka, i e programa di vakuna tambe a stanka dor di resistensia, spesialmente den regionnan polítikamente konservativo.
