WASHINGTON, AFP.- Presidente eligí di Merka Joe Biden a presentá ayera un pakete nobo di estímulo di 1,9 bion dòler, destiná pa saka e pais di su pió krísis for di anja1930 i ku kual e ta sigui den próksimo simannan ku un plan di invershon pa lanta ekonomia bèk.
Dilanti di un krísis grandi “Nos no por permití nos mes di keda ku man krusa”, asina Biden a bisa ayera atardi na momentu ku el a presentá e pakete di yudansa for di Delaware.
Chèknan pa famia, fondonan pa habri bèk skolnan, sèn pa aselerá tèst i vakunanan, likides pa empresanan chikí òf yudansa alimentisio lo reforsá e medidanan ku mester kontesta e urgensia i impedí ku e pais ta hundi ainda mas den e krísis.
Despues lo bin un plan di invershon den ekonomia bèrdè, ku detayenan lo keda presisá den próksimo simannan.
E ophetivo lo ta pa krea miónes di trabou den e industria di fabrikante i bon paga.
