LAS VEGAS, AP.- E visepresidente Joe Biden a kritiká e kontendiente republikano pa presidensia, Mitt Romney, komo un kandidato ku ta karesé di transparensia.

Biden, den kampaña na fabor di e presidente Barack Obama na Nevada, a bisa lidernan hispániko ku Romney no ta nada kompará ku su tata George Romney, kende a duna deklarashonnan di impuesto di 12 aña largu pa su nominashon presidensial republikano na 1968.

Den deklarashonnan di Biden saká pa Kas Blanku, e visepresidente a señalá ku Romney a hasi deklarashon di impuesto di 1 aña so.

“E dicho bieu: ‘tal palo tal astilla’, ta birando un mentira”, asina Biden a informá.

E komentarionan aki ta suprayá ophetivo di Obama di laga mira ku Romney ta un hende hermetiko.

Den un diskurso dilanti konseho nashonal di Rasa, Biden a mustra riba e pasado di e aspirante republikano pa loke ta temanan di inmigrashon.

“Mitt Romney ke pa boso mustra boso dokumentonan pero e mes no ke mustra esnan di dje”, segun Biden a agregá.

“Mi ta haña hipókrita ku e ke responsabilisá e komunidat di inmigrantenan, pero ku niun hende no ta pidié pa ahustá su kuentanan”, asina Maria Castro a bisa, studiante resien graduá di skol sekundario, refiriendo na Romney durante e konferensha di Rasa.

LAGA UN KOMENTARIO

Please enter your comment!
Please enter your name here