BOGOTA, COLOMBIA, AFP.- Presidente di Merka, Joe Biden a sigurá presidente kolombiano Ivan Duque djaluna ku e pais ta dispuesto na yuda Colombia enfrentá akshonnan terorista, despues ku a ataka helikòpter di Duque na frontera ku Venezuela.
Esaki tabata e promé yamada entre e mandatarionan desde ku Biden a bira presidente den yanüari, segun indikashon di presidensia di Colombia.
E ministerio di Defensa a bisa ku guerieronan di Ehérsito Liberashon Nashonal (ELN) i rebeldenan ku a distansia di e pakto di pas di FARC tabata responsabel pa tira kontra e helikòpter.
Gobièrnu di Duque a bisa ku ELN i opositornan ta responsabel pa un bòm ku a eksplotá dies dia pasá den un unidat militar di Cucuta, kaminda tabatin sòldatnan merikano respaldando e lucha kontra narkotráfiko.
FBI tambe ta partisipando den e investigashon di e atentado ku a laga 36 herido.
ELN a ninga su partisipashon den e atake.
Biden a bisa tambe ku “e situashon den Venezuela i su impakto regional ta preokupante i a agregá ku ta importante pa yega na un konsenso internashonal pa organisá elekshon liber i hustu” den e pais.
