WASHINGTON, MERKA, AFP.- Presidente Joe Biden a anunsiá djaluna ku e lo hisa e kantidat máksimo di refugiadonan ku ta permití den Merka e aña aki na 62.500. Aktualmente e límite ta 15.000 refugiado, establesé pa eks presidente Donald Trump.

Biden a anunsiá anteriormente ku lo mantené e límite ku Trump a imponé kual a kousa kritiká fuerte. E Komité di Senado di Relashon a aploudí e desishon.

Trump a limitá e kantidat di refugiadonan durante su presidensia pero Biden a primintí durante su kampaña ku e lo restourá medidanan mas tradishonal den Merka. El a hala atras di e desishon aki despues ku su gobièrnu a frekuentá problemanan ku e kantidat haltu di migrantenan ku ta purba drenta Merka ilegalmente, òf pidi asilo na frontera ku México.

 

LAGA UN KOMENTARIO

Please enter your comment!
Please enter your name here