Bientu fuerte a kobra 2 bida na ulanda
ALMERE.- Bientunan di alrededor di 130 kilometer pa ora a kobra bida di 2 persona i sòru pa destrukshon balorá na mas o ménos 10 mion euro na Almere, Ulanda. Esaki ta informashon ku www.nos.nl a publiká riba nan website. Riba e videonan ku ta sirkulá por mira kon e bientunan fuerte ta zuai personanan kanando riba kaya i tambe kon kònteinernan ta keda move manera ta papel. E bientu fuerte ku asotá Almere a hisa vários dak di kas i kombertí diferente material manera glas i palu den proyektilnan peligroso. konsekuentemente polis mester a atvertí di e peliger i konsehá e habitantenan pa keda kas. E situashon entre tantu ya a kalma, pero naturalmente ta investigando kiko i kuantu e daño total ta.