Situashon general di tempu ta un airu stabil i ménos húmedo ta kubri nos área, di manera ku esaki lo sòru ku e posibilidat pa awa ta keda limitá. Mas aleu, e disturbio ubiká ost di e islanan ariba ta sòru pa un gradiente di preshon debil, ku ta sigui promové bientu basta suak riba nos region durante e promé mitar di dia mañan.
Esaki ta trese kuné shelu lo varia di tiki te parsialmente nublá ku wer por lo general seku.
Temperatura máksimo lo alkansá 32°C i temperatura mínimo di 25°C.
Bientu ta supla prinsipalmente for di direkshon nortost i suak te moderá; forsa 2 te 3 (7 te 19 km/ora, 4 te 10 nudo).
Kondishon di laman ta trankil ku altura di olanan ménos ku 1 meter (3 pia).
Solo ta sali 06:35 i ta baha 18:07.
Sistemanan signifikante di wer tropikal: Un disturbio riba e parti tropikal di Osean Atlántiko, ubiká ost di e islanan na nortost di Karibe, ta move nortwèst i tin sierto potensial pa sigui desaroyá durante e próksimo dianan.
Perspektiva te djárason atardi ta de bes en kuando nubianan ta oumentá i awa lo kai riba partinan di Kòrsou.
Pronóstiko di tempu pa Kòrsou i bisindario bálido te djamars atardi 6 or.
