SAN JUAN, PUERTO RICO, AP.- E eks presidente merikano Bill Clinton a inisiá un bishita na Puerto Rico pa reuní ku famianan ku a keda desampará despues di orkan Maria.
Clinton a yega ku suministronan médiko i ekipo di energia solar duna pa e fundashon na su nòmber i ku desde e tormenta di 20 sèptèmber a manda 76 tonelada di remedi huntu ku ekiponan médiko riba e isla.
Clinton a bishitá klínikanan di salú i e refugio riba e isla mas grandi ku e gobernador portorikeño Ricardo Rossello. E mester a reuní mas despues ku e alkaldesa di San Juan Yüli Cruz i ku otro funshonarionan lokal.
Maria a mata 55 persona i a kousa 95.000 mion dòler di daño na Puerto Rico.
