WILLEMSTAD.- Djasabra último e grupo di Zomerkarnaval na Ulanda ‘Bin bo Bula Adenter’ a presentá nan trahe pa 2019 ku pa di 3 aña ta diseñá pa Shandall Geertruida konosí komo “Wiwi”. E akohida tabata tremendo i e trahenan a kai na agrado di e públiko presente.
BBBA ta wòrdu dirigí dor di Roos Maduro i Mireille “Jeije” Windster-Adelina i ta eksistí 2 aña di kual e promé aña nan a sali na di 4 lugá i aña pasá a sali na di 3 lugá.
BBBA ta wòrdu kompañá pa e banda musikal Extazz ku ta konosí pa nan repertorio amplio i e abilidat pa toka tur tipo di músika kompañando e “Guesstarnan” poniendo e dushi ambiente den zomercarnaval na Ulanda. Pa mas informashon bishita e wèpsait www.binbobuladenter.nl

LAGA UN KOMENTARIO

Please enter your comment!
Please enter your name here