LA HABANA, CUBA (AFP).- Cuba ayera a sufri un kaida total dje sistema di koriente na momento ku e servisio dje prinsipal sentral “termoeléctrica” a kai afó.
“E sistema a keda sin energia den hinter e pais”, na momento ku e sentral “termoeléctrica” a kai afó, segun Antonio Guiteras, direktor general di koriente dje Ministerio di Energia i Mina.
Djaweps e gobièrnu a anunsiá ku ta para aktividatnan laboral dje sektor estatal, entre otro medidanan pa enfrentá e krísis di último simannan ku a laga e poblashon di vários provinsia te asta 20 ora konsekutivo sin koriente.
E presidente kubano Miguel Diaz-Canel a bisa riba su kuenta X ku “lo no tin deskanso te ora ku restablesé e suministro di koriente” i ku e gobièrnu ta dediká “prioridat apsoluto na atenshon i solushon dje problema energétiko”.
Diaz-Canel djaweps riba mesun ret sosial a bisa ku e isla ta enfrentá un “situashon di koriente di emergensia” debí na problemanan pa atkerí kombustibel pa alimentá su sistema di energia, debí na e embargo ku Washington ta apliká kontra dje isla for di 1962.
Cuba djaweps a registrá kasi 50% di défisit den generashon di koriente.
Na Cuba elektrisidat ta keda generá mediante ocho sentral gastá ku den algun kaso ta presentá problema òf ta den mantenementu, komo tambe shete planta flotante ku e gobièrnu ta hür serka empresanan turko. Tur e infrastruktura ei den su mayoria tin mester di kombustibel pa funshoná.
E isla ta biba su krísis di mas serio den tres dékada ku skarsedat di kuminda, medisina i blackout iróniko ku ta límite e desaroyo di aktividatnan produktivo.
