Awor si e situashon ta realmente malu na Cuba, ku black-out tur dia durante di oranan largu.
LA HABANA, (AFP).- Cuba ayera a sufri un siguiente black-out total, segun a keda informá pa e kompania nashonal di elektrisidat. E kaimentu afo di koriente a bira aun mas serio na Cuba, ku pa kolmo ta konta ku un ekonomia ku a paralisá for di despues ku e gobièrnu di Donald Trump a kòrta e biahe di tankeronan di petrolio pa e isla. Ademas di esei, Trump a menasá ku sanshonnan pa otro paisnan ku bende kombustibel ku e isla.
E black-out ta debí na un “deskonekshon total dje sistema di koriente nashonal”, segun Union Nashonal Eléktriko di Cuba (UNE) riba e ret X.
Na komienso dje luna aki mes e isla a sufri un black-out riba dos tersera parti dje teritorio, inkluso La Habana. E ret di koriente antikuá, algun ku mas di 40 aña di eksplotashon.
E isla di 9.6 mion abitante a pasa den vários black-out generalisá for di kabamentu di 2024. E kapital kubano tambe a sinti konsekuensia dje situashon, ku kaimentu afó di koriente pa te hasta 15 ora largu.
