WASHINGTON, MERKA, AFP.- Sekretario di estado merikano Antony Blinken a pidi China pa kompartí informashon riba su brote di Covid, afirmando ku su kantidat kresiente di kasonan a impaktá mundu i a renová su oferta pa kompartí vakunanan merikano.
“Ta importante pa tur pais, inkluyendo China konsentrá den personanan vakuná ku e pruebanan i e tratamentu ta disponibel i ku ta mas importante pa nan kompartí informashon ku mundu riba loke nan ta eksperimentando, pasobra e tin implikashonnan no solamente pa China sino tambe pa mundu kompleto”, asina Blinken a bisa den un konferensia di prensa.
Blinken a bisa ku China ku frekuensia ta atvertí Merka pero no ta pidi yudansa. Pekin a promové e eksportashon di vakuna lokal loke ekspertonan internashonal di salú ta konsiderá menos efisiente ku esnan fabriká na Merka.
“Nos ta kompletamente prepará pa duna asistensia na kualke ku pidi si e ta kere ku ta útil”, asina Blinken a bisa.
E sekretario di estado kende a plania un bishita pa Pekin na prinsipio di otro aña, a bisa ku e interes di Merka pa limitá e brote di covid na China ta humanitario i egoista.
