WILLEMSTAD. – Ayera tabatin inougurashon di mural “Blue Wave” (Soñonan por bira realidat). Esaki ta den kuadro di Siman di Arte den Skol 2026 ku tabata na inisio di luna di aprel ku alumnonan di Triniteit-Pierre Lauffer College a kuminsá traha riba e mural aki. E siman ta dediká na e artista sra. Ariadne Faries den felis memoria (1968-2020). Bou di guia di sra. Morgaine Parris, e alumnonan a traha huntu riba muralnan ku ta reflehá nan kreatividat i identidat kultural.
