NEW YORK, AFP.- Desénas di Boeing su avionnan 777 a keda di ground mundialmente djaluna despues ku un motor di United Airlines a faya i plama partinan di esaki riba un bario na Denver.
E insidente di a pone ku United i otro aerolíneanan a ground avionnan ku e mesun motor di Pratt & Whitney. E avion a sali for di aeropuerto na Denver pero a regresá bèk rápidamente despues ku un motor a pega na kandela i lòs di e avion. Niun hende a resultá heridá den e insidente.
Esaki ta un kontratempu pa Boeing kual a kaba di resumí entrega di su avionnan 737 MAX kual tambe tabata di ground pa motibu di su aksidente fatal ku e avionnan aki.
Ekspertonan di aviashon a bisa ku e insidente a kousa preokupashon tokante e motornan di Pratt & Whitney i tambe tokante United su mantenshon di motornan.
Japan Airlines tambe a reportá un insidente ku e mesun tipo di motor aki i tambe un buelo mas di United den Febrüari 2018.
