NEW YORK, MERKA, AFP.- Beoing ta pronostiká pèrdida den e último trimèster i a bisa ku ta probabel ku lo redusí produkshon mas ainda komo kousa di e pandemia di Corona vírus.
E empresa, kual ya a suspendé dividènt di akshonistanan i anunsiá un redukshon di 10% den personal, a agregá ku lo eliminá produkshon di su avion 747 i lo aplasá plannan di produkshon pa otro avionnan komersial.
E presidente ehekutivo, Dave Calhoun a bisa den un mensahe na empleadonan ku “e notisia ta unu difísil, i ta kousa insertidumbre den e temporada desafiante aki. Lamentablemente e impakto di COVID-19 a kòrta den nos produkshon i kousa ménos demanda pa servisionan komersial”.
Calhoun a agregá ku e oumento den kasonan di Corona vírus na Merka a deteriorá tur perspektiva pa biahe di distansia kòrtiku, dor ku aerolíneanan operando a bolbe kuminsá para ku operashonnan atrobe.
