BOGOTA, COLOMBIA, AFP.- Bogotá a restringí tráfiko di outo i motersaikel pa un dia pa redusí kontaminashon den e kapital kolombiano.
Desde 5 or di mardugá djaweps, i durante 16 ora largu, kamindanan ku normalmente ta pegá ku tráfiko por keda usá solamente pa servisionan públiko.
Tur otro vehíkulo partikular por hasi esaki solamente ku un pèrmit spesial. Esun ku no kumpli ta haña un but ekivalente na 105 dòler.
Outoridatnan ta kalkulá ku esaki lo redusí emishonnan di mp25 ku 43%. Esaki ta un material ku ta afektá e salú.
E alkaldesa di e siudat, Claudia Lopez a selebrá e medida ku ta keda selebrá na Bogotá desde aña 2000, por lo ménos un biaha pa aña. Esaki no a tuma lugá na aña 2020 i 2021 debí na e pandemia di covid-19.
Segun datonan di e alkaldesa, aktualmente 1,8 mion outo i kasi 470.000 motersaikel a trafiká riba kamindanan di Bogotá. Estudionan independiente ta pone e siudat na puesto number 10 komo un di e metrópolisnan ku e tráfiko di mas pegá na mundu.
