EL ALTO, BOLIVIA, AP.- Jeanine Añez, deklará komo presidente interino di Bolivia a proponé un proyekto di lei na Kongreso, kaminda e kier realisá elekshon nobo de un intento pa restourá òrdu den e pas despues di algun dia violento na La Paz. E insidentenan di violensia a kousa vários morto i oumentá e sifra aki na 30 víktima despues di elekshon frakasá riba 20 òktober. Añez a bisa ku froude elektoral a provoká e konvulshon ku e pais ta pasando aden.
Kongreso no tin un tempu límite pa reakshoná riba e proposishon, pero mirando urgensia di e kaso por spera un kontesta pronto.
Konstitushon ta establesé tres luna pa organisá elekshon for di momentu ku un presidente interino okupá e puesto. E kalènder di futuro elekshon lo keda definí pa Tribunal Supremo Elektoral (TSE), kual legisladornan lo skohe durante e próksimo 15 dianan, segun indikashon di e minister di Hustisia, Alvaro Coimbra.
Asamblea Legislativo mester reuní djárason anochi. Te ainda por lo ménos 30 persona a muri den kasi un luna di protesta, inkluyendo dos polis.
Skarsedat di kombustibel ta sofokando e dos siudatnan di dos mion habitante i e kontrol di depósito di kombustibel di Senkata, kual a kombertí den e símbolo mas resien di e lucha entre e gobièrnu interino i siguidónan di e eks presidente. E manifestantenan kier renunsia di Añez, kende a informá ku su úniko meta ta pa realisá elekshon di nobo.
