BRASIL, AFP.- Presidente di Brasil Jair Bolsonaro a keda hiba hospital ayera tempran ku dolónan fuerte den barika i kaminda dòkternan a determiná ku ta un blokeo intestinal i e tin di keda someté na operashon na nuebe luna for di elekshonnan.

Bolsonaro di 66 aña tabata ku fakansi na playa sùit di Santa Catarina ora doló a ser’é, un problema di salú ku e ta konfrontá for di despues ku a hink’é den stoma na 2018 durante di e kampaña presidensial ku a pone na poder.

Mester a transporte urgente pa hospital ku avion presidensial. E kanal di televishon di Brasil Tv Globo a mustra su imágennan ta kana sin asistensia na momentu ku e lo a baha di e avion miéntras ku for di su ofisina a informá ku e ta bon.

Bolsonaro a pòst un potrèt di dje mes den kama di hospital riba Twitter i a bisa ku e lo tin di keda operá.

23 COMMENTS

LAGA UN KOMENTARIO

Please enter your comment!
Please enter your name here