KABUL, AP.- E eksploshon di un bòm kontra un empresa di seguridat privá den oranan trempan di djárason mainta na Kabul a kousa morto di 12 persona, entre otro vários mucha, segun informashon di outoridat.

Niun grupo a aseptá responsabilidat pa e atake. Pero tantu e grupo Taliban komo esun ekstremista Estado Islámiko tin un presensia aktivo na Kabul.

E insidente a sosodé den zona di Qasaba, den e distrito polisial 15, segun Nasrat Rahimi, e bosero di Ministerio di Interior. E kompania ataká ta Gardaworld, asina el a agregá,

E atake a laga 20 herido, entre nan kuater empleado estranhero di e empresa, segun Rahimi, kende a ninga di revelá nashonalidat di e víktimanan. e promé informenan despues di e atake a indiká ku tin nuebe morto, pero e bosero Marwa Amini a revelá un sifra nobo den un tweet.

Un outor di e empresa di seguridat i dos vehíkulo mas a sufri daño. El a agregá ku outoridat ta realisando un investigashon na e sitio di e atake.

LAGA UN KOMENTARIO

Please enter your comment!
Please enter your name here