Trahadónan di reskate presente na un edifisio residensial ku ayera a keda destruí pa ‘drone’ i misilnan ruso.
KIEV, Ukraina (AFP).- Rusia den oranan di djaweps mardugá a bombardiá Kiev ku algun shen ‘drone’ i desena di misil, den un atake ku a laga sigur 16 morto, inkluso dos mucha. Forsa aéreo ukraniano a informá ku Rusia a lansa 675 drone di atake i 56 misil, prinsipalmente riba e kapital Kiev. Unidatnan di defensa a tumba 652 drone i 41 misil.
Presidente ukraniano, Volodimir Zelenski, a informá ku mas ku 20 sitio dje kapital a sufri daño, inkluso edifisionan di kas, un skol, un klínika veterinario i otro infrastruktura sivil.
Ayera mainta periodistanan di AFP a mira esenanan kaótiko miéntras ku ekiponan di reskate entre ruinanan di edifisionan, tabata buska mas persona heridá i rekuperando víktimanan mortal.
“Rusia di forma habrí ta hasi bofon di e esfuersonan diplomátiko pa pas”, segun presidente di Komishon Europeo, Ursula von der Leyen.
