WILLEMSTAD.- Ayera tardi Rigéne Isenia kende resientemente a keda korona komo Miss Teenage International 2021 a risibí un homenahe dor di abitantenan di Fuik. E atardi a kuminsá ku un rekorido den bario di Fuik kaminda Rigéne ta biba.

A sigui despues un seremonia spesial na Sentro Multifunshonal Seru Grandi/ Fuik kaminda a honra Rigéne pa su logro di a saka kara di Kòrsou internashonalmente.

Riba foto nos por apresiá Rigéne huntu ku Gionel Virginie, na momentu ku e homenahe tabata tumando lugá i tambe bo por apresiá un parti dje públiko presente.

LAGA UN KOMENTARIO

Please enter your comment!
Please enter your name here