WILLEMSTAD – Awe den oranan di mainta un hòmber víktima ku a bai hasi un bondat por poko a mira su morto su dilanti. Ta asina ku e shofùr tabata den área di Maripampun i dado momentu un hóben ta aserk’e pa dun’e un kabes di boto ya ku e tin un urgensia. Lo mester hib’e djis den bisindario den Koraalspecht pa mas eksakto den Kaya Lando. Na nan yegada na e kaya menshoná e hóben mester a saka un kuchú i pone esaki na su kurpa. E atrakadó a pidi e víktima tur pertenensia. No a keda e shofùr nada otro pa dun’e su telefòn i yabi outo. Manera e la haña esaki nan el a baha for di outo i baha na katuna den hanchi smal banda ei skol eibanda. Polis i Atrako team a yega na e sitio pa duna asistensia.
