Kampionato Oropeo ‘indoor’

WILLEMSTAD.- Nos atletanan Liemarvin Bonevacia i Terrence Agard ayera a subi pista den Kampionato Oropeo bou di dak na Servia. Pa Bonevacia tabata un bon eksperensia i klasifikashon pa final, miéntras ku Agard no a logra kore ni mitar di e 400m. ku e mester a hala un banda pa motibu di leshon.

Liemarvin Bonevacia a marka un tempu di 46.91 sek. riba 400m den e promé ‘heat’ ku fásilmente el a gana. Den semi final el a kore 47.21 i a drenta na di dos puesto, klasifikando pa e final ku lo kore awe.

Agard, di su parti, a start den e di kuater ‘heat’ pero lamentablemente a sinti algu robes na un hamstring i a stòp pa evitá ku den kaso di leshon e ta hasi e situashon pió.

Pues awe Bonevacia ta bai en buska di medaya.

TERRENCE AGARD

LAGA UN KOMENTARIO

Please enter your comment!
Please enter your name here