LONDON, REINO UNI, AFP.- Boris Johnson a anunsiá medidanan nobo kontra Corona vírus kual ta oumentando atrobe den e pais.
E promé minister a wòrdu kritiká na komienso di e pandemia pa motibu ku el a tarda pa introdusí medidanan pa kontené e vírus, pero aktualmente e ta determiná pa kontené e di dos ola di Corona vírus.
E minister a presentá e medidanan nobo den parlamento i a atvertí ku esakinan por keda na vigor durante seis luna largu.
Entrante mañan, tur pub, bar i restorant mester sera 10 or di anochi. Ademas, tur evento deportivo públiko lo keda kanselá.
Tur komersio òf empresa ku no respetá e restrikshonnan por haña un but di te ku 13.000 dòler. Infrakshonnan pa uso di masker i aglomerashon ta keda sanshoná ku 200 pònt.