LONDON, REINO UNI, AFP.- E status spesial negoshá pa London i Bruselas pa Nort Irlanda despues di Brexit ta “insostenibel” i mester wòrdu reformá pa permití formashon di gobièrnu den e nashon britániko aki, segun indikashon di Boris Johnson djamars.
Partido republikano Sinn Fein, partidario di e reunifikashon di Nort Irlanda ku su bisiña Repúblika di Irlanda, a gana elekshon regional djaweps último, pa promé biaha den shen aña desde ku a parti e isla.
Den un kombersashon ku promé minister irlandes, Michael Martin djabièrnè, Johnson a deskribí e situashon komo “grave”, segun indikashon di Downing Street.
London tin vários luna ta purba negoshá e protokòl ku Union Europeo, sin ku tabatin avansenan signifikativo te ainda. Johnson a bisa ku e gobièrnu britániko “lo tuma medidanan pa protehá pas i stabilidat polítiko na Nort Irlanda si no yega na un solushon”.
