WILLEMSTAD.- Ayera den oranan di atardi, personal di brantwer Kòrsou a keda dirigí pa yachtclub despues di a risibí informashon ku lo mester tin un boto ku ta senk.
Na nan yegada a bin komprondé for di e doñonan ku nèt nan a yega for di Klein Kòrsou i ta algun ratu despues nan a keda informá ku e boto ta praktikamente kompletu bou di awa.
Mesora a alarmá outoridatnan miéntras ku a kuminsá chupa awa afó.
Bomberonan tambe a duna un man pa chupa awa afó i despues a saka e boto for di awa pa kuminsá drecha esaki.
Tin indikashon ku ta riba ruta e lo a dal den baranka i haña buraku.
