WILLEMSTAD – Dos piskadó lokal a pèrdè nan bida awe mainta riba laman den área di Santa Martha ora ku nan boto a bòltu debí na bientu fuerte. Un di e kurpanan a wordu saka for di laman pa polisnan, miéntras ku e otro kurpa a wordu rekoperá pa e helikòpter di Warda Kosta, ku a baha riba laman pa por a kue esaki i transport’é pa Aeropuerto Hato.
Trabadónan den konstrukshon na e hotèl di TUI na Santa Martha a nota na un momento ku tabatin un boto boltu. Mesora nan a notifiká e outoridatnan. Tantu polis komo Warda Kosta a yega na e sitio. Forsa na e famianan di e dos piskadónan ku a pèrdè nan bida. Pas na nan alma.
