ORANJESTAD.- A deskubrí un boto ku vários bulto di droga den e área pariba na Aruba, na Colony, asina Polis di Aruba ta informá. E kaso a desaroyá den oranan tempran di mainta pariba di Anker na Colony. Manera ku a tuma nota di esaki a despachá polis pa e área di kosta di Aruba. Na e sitio a topa di bèrdat ku un boto i den dje tabatin bultonan ku ta parse droga.
Polisnan di San Nicolas huntu ku e departamento di krímen organisá a bai atendé e kaso. Den e investigashon a nota ku ta trata di un boto ku un motor i banda di e bultonan di droga a topa tambe ku otro paketenan los plamá na e sitio. A konfiská boto i tur loke a topa na e sitio pa asina e departamentonan konserní por hasi nan investigashon. Polis ta indiká ku nan no ta deskartá ku lo tin detenshon den e kaso aki.
Kuerpo Polisial Aruba ta hasi un apelashon na komunidat; Si bo tin kualke informashon yama e tiplijn di Polis na 11141. Ta garantisá ku bo ta keda anónimo.
