WILLEMSTAD – Awe den oranan di atardi outoridatnan mester a pidi asistensia di entre otro Wardakosta i CITRO despues ku a risibí notfikashon ku un boto di piskadó lo mester a aksidentá den Fuik. E víktima ku pa kolmo ta un miembro di CITRO mes lo mester a hoga. Su kompañeronan a yega na e sitio pero no por a hasi nada mas pe persona. Promé informashonnan ta indiká ku algu pasa e entrada di Fuik e boto mester a aksidentá. El a bai purba hasi un maniobra pa skapa e boto pero e boto lo mester a bai abou kuné ku konsekuensia ku e víktima a hoga. CITRO a trese e víktima na haf di Caracasbaai unda outoridatnan lo sigui ku e investigashon. E boto mes semper tabata mara na haf di piskadó di Caracasbaai.
){kind=link}