SAN SALVADOR.- Tin personanan ku ta tene man i opta pa bai resa den gruponan di LGBTQ na El Salvador. Pero den e gobièrnu di Bukele no tin muchu espasio pa diversidat seksual. Ora ku e grupo ta huntu i kasi skondí den orashon, nan ta haña ku nan no ta sinti deskriminashon den un sosiedat ku di un manera kresiente ta birando hostil pa ku diversidat seksual bou di Presidente Nayib Bukele. E grupo ta haña ku aki ta un lugá sigur ku nan por bai hasi orashon, sin ku nan ta ser husgá.

T’asina ku Bukele a adoptá un aserkamentu sosialmente hopi konservativo for di tempu el a ser reeligí na febrüari dje aña aki pa un di dos término di sinku aña, i esaki danki na su guera brutal kontra gèngnan kriminal. Promé ku el a ser eligí pa promé biaha na 2019 Bukele a pidi pa duna sosten na e demandanan dje grupo di LGBTQ. Sinembargo awe e ta deskribí nan komo no natural, anti Kristu, anti famia.

LAGA UN KOMENTARIO

Please enter your comment!
Please enter your name here