WILLEMSTAD.- E hóben tenista Brandon Bridgewater a logra un otro resultado importante den su karera di tènis, titulando kampion den un torneo na Aruba. Bridgewater a konkistá e título máksimo den e 37th TIHTA Tennis Tournament den e kategoria Boys U18 Doubles.
Huntu ku su partner di weganan dòbel, ku ta e peruano Mauricio Budge, nan a derotá e duo kolombiano formá pa Simón Pineda Acevedo i David Santiago Higuera Alfonso, ku sètnan di 6-2 i 7-5 den e partido final.
E título ta otro logro importante pa Brandon Bridgewater, kende ta sigui representá Kòrsou den torneonan internashonal di tènis hubenil i ta sigui desaroyá su nivel di wega den kompetensianan grandi.
Felisitashon na e hóbennan Brandon i Mauricio ku nan sobresaliente prestashon i ta deseá nan hopi éksito den e kompetensianan ku ta na kaminda.
