Bosero di e brigada, Ezzedine Al-Qassam, ta hiba palabra na televishon, konfirmando morto di Abu Obeida algun luna despues ku Israel a anunsiá di a mata esaki den un atake aéreo den Gaza. E bosero awor a adoptá e nòmber di Abu Obeida.
PALESTINA (AFP).- E bosero dje brasa armá dje movementu islamita palestino Hamás a duna di konosé ku e grupo “lo no renunsiá” na su armanan. El a bisa esei promé ku un enkuentro entre Donald Trump i Benjamin Natenyahu na Merka pa trata e futuro di Gaza. Washington i mediadónan regional ta buska pa aselerá e ritmo pa start e di dos fase dje frágil periodo sin agreshon, vigente for di òktober entre Israel i Ham den e strook di Gaza.
E brigadanan Ezedinal Qasam mas aleu a konfirmá morto di su bosero Abu Obeida. “Nos pueblo ta defendé su mes i lo no renunsiá su armanan, tanten ku e okupashon ta sigui; nos lo no entregá, te asta si nos mester bringa sin arma”, segun Obeida, e bosero di e brigadanan Ezedin al Qasam, kende a adoptá e nòmber di guera di su predesesor kende a muri.
Den sentro dje diskushonnan entre Trump i Netanyahu ta figurá e desarme di Hamás, un idea rechasá pa e movementu, ku resientemente a proponé “un konhelashon di arma” i a trasladá e responsabilidat pa Israel. “Nos ta hasi un yamada na tur e partinan impliká pa traha pa e desarme di armanan mortífero dje okupashon, ku a keda usá” i te ainda ta usá pa kaba ku nos pueblo”, segun Abu Obeida a duna di konosé.
