SAO PAULO, BRASIL, AFP.- Estado di Sao Paulo a kuminsá vakuná tur mucha entre sinku i diesun aña kontra COVID djabièrnè, inisiando un kampaña nashonal ku a kousa desakuerdo entre presidente Jair Bolsonaro i Outoridatnan di Salubridat.
Un menor di edat indígena di ocho aña, i ku defisiensianan físiko a bira e promé mucha ku a vakuná na Brasil, den un akto simbóliko den Hospital di Klínika na sentro wèst di e siudat. Aktualmente kasonan di Omicron ta sumamente haltu den e pais i outoridatnan ta tumando un serie di medida pa kontené esaki.
E kampaña di vakunashon masivo lo kuminsá otro siman den siudatnan manera São Paulo, Rio de Janeiro i belo Horizonte, ku prioridat pa menornan ku limitashonnan físiko, defisiensianan permanente i gruponan vulnerabel manera indigenanan entre otro.
E vakunashon aki, di mas o ménos 20,5 mion persona, lo wòrdu realisá ku vakunanan di Pfizer-BioNTech i e mayornan mester duna outorisashon pa e mucha vakuná.
