RIO DE JANEIRO, AP.- Un edifisio di shete piso a kolèps den un distrito luhoso na nortost di Brasil. Un persona a muri i tabatin algun persona mas pegá entre e ruina ku e edifisio a laga. Outoridat a informá ku e personanan aki tabata komuniká via telefòn ku nan famianan.
E hefe di bombero Cleyton Bezerra a bisa ku tin nuebe persona pèrdí, ounke no ta evidente si nan ta pegá entre e ruina òf si esaki su famia i konosínan no por a komuniká kuné. Ekiponan di reskate a haña ocho sobrebibiente huntu ku e kadaver.
E kousa di e insidente no ta konosí. E edifisio ta den sentro di Fortaleza, tres kilometer na sùit di playa Iracema, un di e atrakshonnan turístiko mas popular den e distrito.
