BRASILIA, AP.- Mas di 1.000 indígena brasilero a kongregá pafó di kongreso djárason, pa un protesta anual di tres dia konosí komo e Kampamentu di Tera Liber pa manifestá kontra loke nan ta konsiderá komo un deterioro den nan derechi, durante presidente Jair Bolsonaro su gobernashon.
E protesta a kuminsá meimei di un tenshon kresiente entre e gruponan indígena na Brasil i presidente Bolsonaro.
E grupo ta protestá kontra suspenshon di designashon di tereno indígena i ta pidi pa limitá akseso di e programa federal di salú pa e pueblonan originario.
Riba su promé dia di presidensia, Bolsonaro a transferí outoridat pa designá tereno indígena i otorgá lisensia ambiental pa negoshi den e reservanan indígena na e agensia gubernamental Ministerio di Agrikultura. Aktivistanan ta bisa ku esaki lo paralisá e asignashonnan di tera i fasilitá operashon pa konstruí mina i empresanan agrario.
