RIO DE JANEIRO, AP.- Por lo ménos 12 persona, inkluyendo dos mucha, a muri den un intento di asalto di dos banko na nortost di Brasil, segun informashon di outoridat djabièrnè.

E suseso a pasa durante mardugá na Milagres, un siudat di estado di Ceara den region na nortost di Brasil, segun señalashon di Polis Militar.

Kasi 2 or, kriminalnan a blòkia kareteranan BR116, e ruta brasilero prinsipal ku akseso na e siudat, i a kaptura un grupo di persona komo rehen.

Segun sitio G1, nan a drenta e siudat i a purba kometé robo. Sinembargo, e intento a wòrdu frustrá pa Polis Militar (PM), ku a intervení i protagonisá  un tiroteo intenso ku e delinkuentenan, segun asesor di komunikashon di e entidat aki.

E rehennan a wòrdu ehekutá pa delinkuentenan na momentu ku nan a wòrdu aserka pa Polis Militar segun indikashon di e alkalde di e siudat, Lielson Macedo Landim, na prensa lokal.

Dos di e delinkuentenan a wòrdu kapturá, segun indikashon di e funshonarionan, i a wòrdu entregá na un delegashon di Polis Sivil. Otro asaltantenan a skapa i outoridat a konfiská tres vehíkulo, arma di kandela i eksplosivo.

E alkalde di e siudat a bisa ku entre e víktimanan tin dos mucha di entre 10 i 13 aña ku tabata entre e rehennan. E mortonan no a wòrdu identifiká, ounke Landim a bisa ku sinku di e víktimanan tabata miembro di e mesun famia.

 

LAGA UN KOMENTARIO

Please enter your comment!
Please enter your name here